أضحكــ.....ــي،،
...........
أضحكي..
ويطيح من خيل الحزن..
حَرْبَه..
وفارس.
أضحكي..
البحر لك يلبس
الثّياب الزِّرْق
وتزغرد نوارس !
والشجر يرجعله لونه
حتى لوكان الغصن ذابل..
ويابس!
أضحكي..
تطلع أقمار ونجوم..
ويبتسم وجه النهار..
بليل دامس.
أضحكي..
تصبح الأيام أجمل..
والصباح يصير أطول..
والأمل يزْهِر في يائس.
أضحكي..
خلّي قلبي..
فيك يلامس..
صبح قلبك..
والندى..
وعطر الملابس.
أضحكي خلّي الربيع
يحتفل..
يملى كفوفي..ورد..
وامطار ..
ومحابس!
أضحكي خلّي الحياه..
تصبح أروع
والفضا بالحب ..أوسع..
واللغه تصبح نديّه..
والكلام يصير حمام..
والسلام .. يصير حارس !
أضحكي..
الطيور..تلقى سكن
والغريب.. يلقى وطن
والفرح يملا الشوارع
يجني اللي في شفافك
كان غارس.
أضحكي..
تنولد فينا البراءه
نرجع أطفال من جديد
وكل يوم بضحكتك..
يبتسم بقلوبنا
ويصير عيد.
ونلبس ثيابنا الجديده
وينشرح فـ البال هاجس.
أضحكي..
إنتي أحلى من ضحك
وانتي أجمل
من يخلّي بضحكته
حَرّ الرياض
يصير نسيم ..
وظل هامس!
م.ن
.....
|