منتديات سعودي نت - عرض مشاركة واحدة - ***مــن ذاكـــــــرة الطفــــولـــــــة ^_^ ***

** مــــــيلاد ** · 02-13-2008, 09:44 PM

ههههههههههههههههههههه

لاتعصبين ياأم الشباب والله مخططه أكتب من يوم حطيتوا هالموضوع
لكن مزاجي معكر من كم يوم بس ابشري بعطيك سالفه من سوالفي..

مره كنا طالعين شاليهات كان بالشاليه اللي جمبنا سوريين ومهم بنتين شكلهم كبري أو أكبر شوي

انا كنت بخامس اظن..

المهم من يوم اني صغيره وانا أغار على أبوي مره << فاهمه الموضوع غلط..

وكانن ذا البنتين طوال ولابسات فوق الركبان وذا السيقان تتلامع..
انا قفلت معي خير ان شاءالله ألحين ابو ينتبه لهم والا شي..
تعرفين لازم الواحد ينتبه لأهله << جابت العيد..

يعني باختصار عزمت اني اتمشكل معها باي شكل..
ويوم راحوا للمراجيح وانا اللي ازاحمهم وكل لعبه انط لهم فيها
وهم لو سمحتي حلي عنا .. وانا اعيي مانيب حاله عن أحد يالله أحل لروحي << خاارج النص

بس البنات طفشوا مني مره وحسيتهم بيشتكون علي
وارجع للشاليه بكل ادب ماسويت شي بريئه

شوي يجي ابوهم ينادي ابوي وانا اطمر مع ابوي من زود الثقه
يقول له ياخيي خلي بنتك تحل عن البنات مو عارفين يلعبوا ..

قال ابوي ابشر وجلس يهاوشني
قلت ماعليك مني هم قليلات ادب وش هاللبس لازم أأدبهم << قايلة لكم فاهمه غلط

قال ابوي بس فكينا واقصري الشر..

قلت والله ماخليهم وانا اللي اجلس وراهم وراهم من غير مايحسون..

لين ماجت لحظة الصفر ودخلوا ذا البنتين للحمامات وانتم بكرامه وكانت الحمامات فاضيه..

قلت جاك الموت ياتارك الصلاة..

ويوم دخلوا كل وحده لحمام وانا اللي اسكر الإضاءه وأسكر الباب الخارجي..

هههههههههههههه

وأنا اللي أسمع صراخهم ياماااااااااااااااااااااماااااااااا ياباااااااااااااااااااابااااااااااا..

وانا عند الباب فاارطه ضحك ..

بس عقب تعوذت من الشيطان خفت يجيهم شي بذا الليل وأستاثم..

وأفتح الباب وأهج..

وأروح وأقول لأبوي السالفه سيدا,,

أحسن تجيه مني مو منهم ,,

وقال أبوي الله لايبارك بالعدو حشا ولد مو بنت..
وحبسني بالشاليه بس عادي مازعلت..
أهم شي سويت فيهم حركه

هاااااااااااه وش رايكم..؟؟؟