شيخة الزين
يالشيخة..والله ودي اقول بيتين
واحترت مدري وش اسجل انا لك
من شاف زينك,,ضاع ماقال حرفين
شيخة..وش تسوين في اللي قبالك
لو بوصفك مثل البنات المزايين
بلقى حروفي حايره في جمالك
شيخة فخر شيخة نسب شيخة الزين
وكل الصبايا تستحي من ضلالك
وان عودت..للقد والخد والعين
كل شي مميز طلته من خلالك
وفعلا تفوقي من سنين وسنين
لانك خذيتي الزين كله لحالك
الكنز..ماهو بالذهب والملايين
الكنز..من الي يفوز وينالك
ماظن يالشيخة يجي مثلك اثنين
حتى القمر يمكن يشابه خيالك
انتي عروس الحسن والملح والزين
كن القمر خلى مكانه وجالك
الله يحفظك من عيون الحسودين
والناس تدعي كل ماجاء مجالك
الشاعر:عبدالرحمن بن عمير...
لكم خالص حبي
|
العرض العادي
