ســــعــوديه في امــريــكا000

قــلــب الــريــاض · 01-03-2008, 03:51 PM

مساء الخير 00 ذهبت لأمريكا قبل ثلاث اشهر لعلاج اطفال احد اقاربي 00
المده طالت والشوق هزني للديره واصحابي 000

يوم من الايام طالع بالشارع مهموم طفشان وخاطري بالرجعه للديره وصادفني موقف00

حاولت اعبر عنه بقصيده اتمنى تنال لو جزاء من رضاكم واستحسانكم

دمتم بود0000

ودي أحكي لكن مابقى في خاطري شي

ــــــــــــــــــــــــــ ماغير دموع وهمومٍ تسليني وأسليها

على ذاك الرصيف امشي في وسط حي

ــــــــــــــــــــــــ احبس العبره ورجلي عجلاتٍ خطاويها

أجلس تحت ظل الشجر ودورعلى الفي

ــــــــــــــــــــــ ارتوي من العطش والنفس الشوق مظميها

الروح مكتئبه والقلب بهمه منكوي كي

ــــــــــــــــــــ بديرة العم سام وجنوده اللي عالياتٍ مبانيها

وفجأه ونا ساهي بانت جدايل شيخة الغي

ـــــــــــــــــــ اللي الحسن والزين والعزه بمقدمها محليها

فيها حلى !لا والله الا الحلى ماهو شوي

ــــــــــــــــــ انا أشهد إن ربي من الرقه والزين معطيها

يوم أقبلت زاد في حضورها النور والظي

ــــــــــــــــ مثل القمر ياعسى ربي من العين يحميها

قلت ارحبي تراحيب المطرللزهر بالري

ــــــــــــــــــ شوفتك تشفي القلب ونار البعد تطفيها

قالت الاصل نجديه واسمي يالغلا مي

ــــــــــــــــــ بنت اللي يحكمون الارض قاصيها ودانيها

عمري خمسه وعشرين وزايد شوي

ـــــــــــــــــــ أدرس علوم التجاره وآتعمق في معانيها

قالت سعودي ؟ قلت وأفتخر دامني حي

ــــــــــــــــــ من ديرة آل سعود اللي العز والمجد كاسيها

ديرةٍ فيها الشجاعه والكرم من عهد طي

ـــــــــــــــــ ديرة لرجالها فزعات لاصكت بانت مواريها

إسمي قلب الرياض والعمر اكبر منك يامي

ــــــــــــــــ ديرتي نجد العظيمه والشرف في نواحيها

ساعه وثنتين والحكي من شفايفها خطي

ــــــــــــــ مثل الكرز والتوت حالياتٍ به مجانيها

ودعتني وقالت كان خاطرك في شي

ـــــــــــــــــ مسكني في الشارع الثاني يانور غاليها

ورقمي بجوالك سيفه وإن بغيت عي

ــــــــــــــــ قلت آتشرف وبتبعك لين آشوف تاليها

غابت وعطرها في يدي وخدي الني

ــــــــــــــــــ ورجعت ادارج الخطوه تمشيني ومشيها

قــــــلــــــب الـــريــــاض

رذاذ الأمل · 01-03-2008, 08:24 PM

قلب الرياض والله رووووووووووعه .. وأعجبني

ورقمي بجوالك سيفه وإن بغيت عي

ــــــــــــــــ قلت آتشرف وبتبعك لين آشوف تاليها
.
.
.سيفــــــه = saveرأيي شاعر ينتظر .. الفرصه ...
.
.
دمت
رذاذ الأمـــــــــــــــــــل

تركي القحطاني · 01-03-2008, 09:28 PM

الله يعطيك الف عافية

يسلمووووووووووو ياقلب الرياض

** مــــــيلاد ** · 01-03-2008, 11:09 PM

اقتباس:

قلت ارحبي تراحيب المطرللزهر بالري

ــــــــــــــــــ شوفتك تشفي القلب ونار البعد تطفيها

صح لسانكـ قلب ولاهنت..
رووووعهـ من جد رووعهـ ..

بإنتظار إبداعاتكـ ..

01-04-2008, 05:20 AM

يعطيك الف عافيه قلب الرياض على ما ابدعت وصح لسانك

ورقمي بجوالك سيفه وإن بغيت عي

ــــــــــــــــ قلت آتشرف وبتبعك لين آشوف تاليها

سعودي ما عنك وعن الترقيم والملاحق

alth · 01-04-2008, 01:49 PM

إسمي قلب الرياض والعمر اكبر منك يامي

ــــــــــــــــ ديرتي نجد العظيمه والشرف في نواحيها

يعطيك العافيه والله خطير

أبو الخل توكلنــــــــــا · 01-04-2008, 06:20 PM

فيها حلى !لا والله الا الحلى ماهو شوي

ــــــــــــــــــ انا أشهد إن ربي من الرقه والزين معطيها

يوم أقبلت زاد في حضورها النور والظي

ــــــــــــــــ مثل القمر ياعسى ربي من العين يحميها

النفس تعجز عن الكلام .. ويداي تنتهي عن الكتابة ..
رائعة بكل معاني الكلمة من الروعة والجمال ..

بالفعل أقف لك تحية وإحترام .. صح لسانك ولا عدمناك ..

وكم هو الرقي والتميز في وجودك بيننا ..

قــلــب الــريــاض · 01-06-2008, 09:09 AM

رذاذ الامل

تسلمين على الحظور والتشريف الجميل
دمتي بود

قــلــب الــريــاض · 01-06-2008, 09:10 AM

تركي القحطاني

مرورك شرفني

دمت بود

alth · 01-06-2008, 10:06 AM

طيب مالنا نصيب ولا استعجلت
هههههههههههههههه