ايش سالفة البنات؟؟

لقيت روحي · 01-08-2008, 10:59 AM

ادري الي يشوف الموضوع يحس اني ابي اتهاوش لكن انا منقهر علي بناتنا ادخل بالموضوع علي طول والي هو الصديق البنت يكون عندها حبيب حبيبك علي عيني وعلي راسي لكن يكون مع حبيبك عندك اصدقاء يعني غير حبيبه عند اصدقاء من جنس الذكور وين الحب الي يقلون عنه ولا المشكله يالليت علي كذا بس تكلمه وبس ممكن تطلع معه واذا قلت لهاا ليه تسوين كذا وحبيبك تقول لا حبيبي غير هذا مجرد صديق واذا عاتبتهاا تقولك لا تصير مثل اهلي متخلف خلك كول خلك فري قصدك خلك غبي خلك علي الجنب هذا الموقف صار قلت لهاا شي ماقدرت تردي علي قلت انتي تقولي مافيهاا شي صح تقولي ايه صح وبكل فخر قلت طيب اذا مافيه شي قولي الامك والي احد اخوانك والي ابوك سكتت شوي الي ردت علي تقولي ليه انا مجنونه قلت لهاا ليه تقول تبيهم يذبحونك قلت ليه يذبحونك مافيه شي صح؟ سكتت وانا سكتت ولا عااد كلمت هذا البنت المتخلفه ماعليناا منهاا ولا مني بس من متي صار عند البنت صديق تكلم وتطلع معه مجرد صديق احناا وين جالسين في اروبا والي امريكي الامريكان الي هم الامريكان نفسهم يقلون مايصير ولد وبنت يصيرون اصدقاء قالو مستحيل فكيف احنا ديناا مايسمح هذا الشي لانقول الدين نقول العادة والتقاليد وين راحت وين رحت البنت الي تستحي تطالع بعيون الرجال الحين البنت تخز الرجال خزه الرجال يصير يستحي وينزل عينه انا ماكتبت هذا الكلام الي خوفا علي بناتنا المهم والاهم ياليت تشاركون بارئكم وتنقاشون هذا الموضوع تحياتي

alth · 01-08-2008, 11:03 AM

والله صدقت اخي لكن الدنياء وعجائبها وباقي

just do it · 01-08-2008, 11:33 AM

هلا وغلا موضوعك حلو وبصراحة تجرأو البنات كثييييير ..
انا اقولك سالف صارت لي تبين ان فعلا البنات تجرأو ..
كنت بمحل لنا في الرياض بسوق حياة مول وكنت واقف وكان في ثلاث بنات وكل شوي يرفعو الجوال ويأشرو لي ويم شافوني مطنش جت وحدة وقالت ممكن تشغل البلوتوث وقلت البلوتوث خلص ما عندي وراحت وهي حاقدة بعدين اطلعو كلهم وبعد يمكن خمس دقائق جت وحدة ورمت ورقه فيه رقمين جوال وتقول بلا ثقل واتصل ..

هذا الي صار بالتفاصيل .

اشكرك على الموضوع الحساس.

** مــــــيلاد ** · 01-08-2008, 02:44 PM

معقوووووول جست..!!!!!!!!!!!
قللللة أدب ووقاحه بصراحه..

وبالنسبه لموضوعك لقيت روحي..
فعلاً البنات تجرأوا بشكل مو طبيعي..

أنا ماأقول أنا غير لكن الحمدلله مستحيل توصل فيني الجرأه للوقاحه اللي جالسه تصير..

وبصراحه أنت قلت إن البنت لها حبيب على عيني وراسي لكن كيف يكون لها صديق ماتصير..

وأنا أقول أصلاً ليه يكون لها حبيب قبل يكون لها صديق..
يعني بالله فيه شي إسمه حب؟؟؟؟؟

أي شي يصير بين البنت والولد من دون رابط شرعي هذا حراااااااااااااااااااااااااام حتى لو كان باسم الحب..
يعني أنا أرفض الحب من أصله فكيف بتكون الصداقه..

وإذا لم تستحي فافعل ماشئت..

لكن والله العظيم الزمن صار مجنون واللي يرفض هذي العلاقات يسمونه مجنون..

المعذره لو طلعت شوي من الموضوع لكن تحمست شوي..

شكراً لقيت روحي..

01-09-2008, 01:18 AM

جست من جدك تحكي ؟؟؟؟؟؟؟؟؟؟؟

والله جرأه وقلة تربيه بس عادي بحياة مول و اي سوق البنات فيهم جرئه اجراء من الشباب لان الشباب صارو يحسبون حساب اي احد من هيئه من آمن من اهل البنت

بس البنت تتخفى وراء بلاوي الله يستر علينا بس

انا مره كنت بالمملكه وكانو فيه بنتين والله صغار مرره اعمارهم 14 او 13

وكانو نازلين من مملكة المرأة حامشين كانهم يدورون احد وتجي عند اثنين اصغر منهم والله بزران

تقوله انت تكذب علي تقول رايح مع امي لسوق وانت جاي تغازل ولله بها الاسلوب

قال لها الولد اقوول روحي لا افقع وجهك ويسحبها قسم بالله من شعرها ويطلعها الاصنصير

ويعطيك الف عافيه لقيت روحي

أبو الخل توكلنــــــــــا · 01-09-2008, 01:34 AM

عجايب الدنيا في القرن الحادي والعشرين ..

ماسة البحر · 01-09-2008, 02:05 AM

يؤؤؤؤؤؤؤؤؤؤؤؤة

اقتباس:

وين راحت وين رحت البنت الي تستحي تطالع بعيون الرجال الحين البنت تخز الرجال خزه الرجال يصير يستحي وينزل عينه

هذا نادرا" ما تشوف بنت تنزل عينها قسم باللة لمى اكون بالسوق وامر من جنب رجال انزل عيني قسم بالله احس انهم يحترمووووووني جدا" لدرجة ان واحد مرة لحقني بس عشان يقول والله انك بنت رجال هع هع

يعني واللة قلة ادب في هالبنات صارو يقزون الرجال قزززززززز تقول ودها تطمر علية الحمدلله والشكر

والله الموضوع يخلي الواحد يعصب غصب

سلااااام

لقيت روحي · 01-09-2008, 11:21 AM

اشكركم الف شكر وتقدير علي تفاعلكم للموضوع انا ارد علي الاخت ميلاد اقول في حب عفيف مش حب مصلحه صحيح ان تربطهم علاقه غير شرعيه لكن اذا كان نيته خير مثل الزواج هذا انا ايده صح ان احناا مانعلم مافي القلوب هذا وجهت نظرك واحترمهاا انا مالوم الاخت ميلاد الان الزمان هذا مافيه اي امان تحياتي

** مــــــيلاد ** · 01-09-2008, 10:22 PM

اقتباس:

المشاركة الأصلية كتبت بواسطة لقيت روحي

اشكركم الف شكر وتقدير علي تفاعلكم للموضوع انا ارد علي الاخت ميلاد اقول في حب عفيف مش حب مصلحه صحيح ان تربطهم علاقه غير شرعيه لكن اذا كان نيته خير مثل الزواج هذا انا ايده صح ان احناا مانعلم مافي القلوب هذا وجهت نظرك واحترمهاا انا مالوم الاخت ميلاد الان الزمان هذا مافيه اي امان تحياتي

هذا أنت قلتها..
وبما إن الموضوع نقاش أنا بناقشك..

بما إنها غير شرعيه فهي حرام ولاتقول نية خير والا شر..

والإثم هو ماحاك في نفسك وكرهت أن يطّلع عليه الناس..

إذا علاقتك راح تكون مكشوفه خلاص الموضوع تقريباً طبيعي لكن في الخفاء غير طبيعي..

والعذر منك لو مااعجبك كلامي لكن هذي وجهة نظري..

وطبعاً إختلاف الأراء لايفسد في الود قضيه..

إحتراامي للجميع..

السفاح · 01-11-2008, 02:59 AM

عجايب الدنيا في القرن الحادي والعشرين ..

صدقت أبو الخل

الله يهدي بنات و شباب
الأمة الإسلامية