قصيدة الملازم مشعل الحارثي التي القاها امام سلطان
قصيدة الملازم مشعل الحارثي التي القاها امام سلطان
--------------------------------------------------------------------------------
خل النياح وفارق العـش يـا طيـر
غرد وهز الريش فـي كـل عالـي
اليـوم هـذا غيـر وأيامنـا غيـر
والبارحة ما هـي سـوات الليالـي
الأرض صارت في عيوني نواويـر
والبدر تـم وجـا مكـان الهلالـي
وابها تحدت فـي بهاهـا الغناديـر
فلـت جدايلهـا وقامـت تـلالـي
وفي وجه خالد للفرح ألـف تعبيـر
وحجاج فيصل فيـه كـل ابتهالـي
من السعادة باقـي شـوي ونطيـر
عز الله ان اللي لفـا الـدار غالـي
يا مرحبـا مـا غـرّدن العصافيـر
يا مرحبا مـا زاف نبـت السهالـي
ترحيب احلى من حليب المصاغيـر
وضح رعت روض ربيـع وخالـي
باللي شكت رجله طوال المشاويـر
يا طى بها درب الخطر مـا يبالـي
قرت عيون اللـي يحبـون ياميـر
طاريك.. والاّ الحين شفتـك قبالـي
يا ما حسبت الوقت حسب الدنانيـر
اسامـر انجـوم الثريـا لحـالـي
مبطي وانا اسمع فيك وصف البياطير
واليوم جالي في القصيـده مجالـي
يا سيـدي مـال القوافـي معاذيـر
عـن البيـوت الوافيـات الجزالـي
من لا جعل للمـدح قيمـه وتقديـر
ماظنتـي يلفـت ذهـون الرجالـي
وانت الذي معك السحـاب المزابيـر
تمشـي ويتبعـك الحيـا والخيالـي
وانت الذي باسمك تبـاح الاساريـر
ومثلك له اسماءٌ عـراض طوالـي
سلطان يا سلطان من يومك صغيـر
ما في بسلطانك وشخصـك جدالـي
كانـوا ولازالـوا يسمونـك الخيـر
وياكثر الاسما اللي تزاحـم فبالـي
كريم سبـلا الا زبـون المخاسيـر
طلـق الحجـاج الا بعيـد المدالـي
درع البـلاد الا طويـل الاشابـيـر
ابـو اليتيـم الا عشيـق المعالـي
لا والله ابن مسطر المجـد تسطيـر
على حصى الأرض ونفود الرمالـي
واخو فهد ذروة سنـام المشاهيـر
صفوة ملوك الارض بـاول وتالـي
فهد ولا قلنـا فهـد جـاوب النيـر
تهتـز لاسمـه راسيـات الجبالـي
زعيمنا اللي للعـلا واصـل السيـر
حتـى تعلينـا علـى كـل عالـي
ماللطموح بوسـط راسـه معاييـر
ولا للعوج عنـده ياكـود اعتدالـي
اليا زعل تزعل ملـوك وجماهيـر
وليا رضى ينهـي جميـع الجدالـي
مايشبهه غيـر الثنيـن المناعيـر
انته. وأبو متعـب كريـم السبالـي
عبدالله اللي فيه من سالـم الزيـر
خطل اليمين الليـث حـام التوالـي
سقم العدو اليا هـرج دون تفكيـر
رده على العـدوان جاهـز وحالـي
نفخـر بكـم والا القصايـد تعابيـر
يا شيوخ نجد الشعب كلـه موالـي
والله لو فيكم عـن الملـك تقصيـر
ما خصكم ربـي عظيـم الجلالـي
منّـا وفينـا مـا لفيتـو مداويـر
حكامنـا وقـت الدهـور الهزالـي
ورث الجدود امن الليالي المعاسيـر
قبل القصور وقبل صـرف الريالـي
هاك الزمان سلاحنا حملـة بعيـر
ومـن يومنـا متوثقيـن الحبالـي
منهاجنـا واضـح ولا فيـه تغييـر
نموت ما نرضـى عليـه البدالـي
مااستعمرونا اللي غذاهـم خنازيـر
تشهد لنا شهب السنيـن الخوالـي
من قبل عاشر جد أبو بوش وبليـر
ما هي ثلاث شهـور والا حوالـي!
واليوم في وقت الرخـا والتياسيـر
شفنا العجـب! لا والله الا الهبالـي
يا كثر ما قامت تسـوق المقاديـر
ويا شيب عيني لاذكـرت وطرالـي
المسجد اللي هزه اصـوات تفجيـر
في حـزة فيهـا يجـاب السوالـي
والمسلم اللي ذبح من دون تبريـر
ودم الرضيع اللي على الوجه سالي
بنشدك يا مكفر هـل الديـن تكفيـر
وش حكم ذبح المسلمين العزالـي؟
تدبـر القـرآن والهـدى تدبـيـر
واخذ الجواب بصيغتـه والكمالـي..
فضحكـم الله يالوجيـه المغابـيـر
يـا طغمـة التخريـب والانحلالـي
واللي على الفتنه تـدق المزاميـر
نعرف مطامعهم علـى كـل حالـي
ونعرف من يدفع رسـوم الفواتيـر
يا الحيه اللـي جحرهـا الاحتلالـي
لنحورهـم حنـا سـوات الازاريـر
حنا حمـاة الديـن ياهـل الظلالـي
الارض نزرعها رمـاح ومساميـر
يحـرم عليهـم وطيهـا بالنعالـي
ديارنـا ماهيـب كابـل وكشميـر
يا هملالي صـدق يـا هملالـي!!
حامينها الاجـداد عـج ومعاصيـر
بسيوفهم علـى ظهـور الجمالـي
واليوم يا سلطـان شفهـم طوابيـر
ملّوا من المجلاس تحـت الظلالـي
يبـون يـوم فيـه للحـق تكبيـر
عن الكـلام تبـان فيـه الفعالـي
يا سيدي قل وش تبي بس ويصيـر
حدد هدف لو هو عسيـر المنالـي
فالجـو نفاثـه وفالقـاع جنـزيـر
وان متّ هاك اليوم من طيب فالـي
هـذا وطننـا ماسكنـاه تهجـيـر
الجيش واحد مـا حملنـا الحمالـي
لو ينتخي عرعـر تلبيـه خرخيـر
كل الجنوب يصير جنـب الشمالـي
لا يا وطن لا تحسـب إنّـا مدابيـر
لو الدهر في بعض الاحيـان مالـي
طالبك لا تجفل من الوقـت وتذيـر
وكــلّ ابـنـاك وبالله الاتكـالـي
وان كان ما شفت السعد والتباشيـر
عيـب علينـا لبسـنـا للبـدالـي
نذر علي لحرسك وافديـك واغيـر
ديني. وعرضي فيك. وأغلى حلالي.
واللـي يأثـر فيـك بأيّـات تاثيـر
ابرى منه لو كـان عمـي وخالـي
وان مت واخذتني صروف المقاديـر
والله لوصـي فيـك حتـى عيالـي
|
العرض العادي
