خل اقولك الذكرى اللي مانساه ولاينسونها اهلي طول حياتيهم..
هذا ياطويلين العمر وانا صغيره كنت مدمنه تلفزيون>>يقال اني الحين عقلت
واشوف ذيك اليوم بالتلفزيون وحده تنتحر وشلون انتحرت راحت واكلت حبوب وكنت وقتها ايام اولى ابتدأي بس مرجوجه
يوم راحت انام جلست افكر باللي شفت وقلت ليش ماسوي زيها كانو كل اهلي نامين قمت واخذت المراكي وحطيتها
فوق بعض عشان اوصل الصدليه>>امي كانت تعرفنا ملاقيف ورافعه كل العلاجات بصيدليه ومعلقتها بالجدار
واخذت اقرب شي طالته يدي وكانت حبوب بنادول وفك واشرب ماء لين خلصت الكرتون كله
ورجعت الكرتون مره ثانيه الصيدليه عشان امي ماتلاحظ انه مو موجود>>تفكيري اجرامي
ورحت نمت قمنا الصباح وكنا بنروح البر مع خالاتي ومن قمت وانا احس اني دايخه وفيني حراره عدتني امي شراب
حراره مادرت وش انا مسويه ولبستني انا واختي وطلعنا البر ويوم جو يحطون الفطور واشم ريحت الاكل وانا ابداء الله
يكرمكم استفرغ لين اغمى علي وماقمت الى بمالمستشفى والدكاتره على راسي واهلي يصحيون وانا مسويه
بريئه مادري وش السالفه ويسالني الدكتور وش الدواء اللي اكلتيه يابا واجلس اصيح واقوله القصه وامي وابوي
ياحياتي يصيحون >>سويت فلم هندي لهم
عاد قال الدكتور بنتكم محظوظه لو مارجعت كان صار لها تسمم وماتت لان البنادول من اقوى الادويه بس حظها ان كل
الحبوب مانهضمت ورجعتها وكتب الله لها عمر جديد وجلست بس 3 ايام تحت الملاحظه لان خافو يصير لي مضاعفات
بس الحمد الله ماصار لي شي وقمت مثل القرد اناقز >>>والله اني استاثمت باهلي 3 ايام مانمو ولاارتاحو خايفين
علي الله يجزاهم الجنه يارب>>كله من التلفزيون
|
<<<< يالله لك الحمد 
)
<<< شوه حاجبي طلعت كني عربجي 
العرض العادي
