وحده بووحده كان عندك عداله .,., تبطلي غيبه ابطل زقااير
ياغايبـه وان كـان فيهـا جمالـه .. تجمّلـي يـاام الحـلا والظفايـر
بالله شوفي صاحبك كيـف حالـه .. شوفيه في غيبتك وشلون صاير ؟!
صارت حياته ضيق خلق وبطالـه .. هم وسهر واوراق شعر وزقاير !!
يعني حبيبك صـار حالتـه حالـه .. ماباقـي الا انـه يـدن العبـايـر
الله لامـنـه ذكــر مامضـالـه .. قبـل الدوايـر ماتجـر الدوايـر
يوم الطفولـه والشقـا والجهالـه .. يوم الصغاير فـي عيونـه كبايـر
ايـام كـان معانـده راس مـالـه .. ويسـوق لهبـال الشقـاوه بشايـر
ياما امتلى بالحب والطيـش بالـه .. وياما امتلت من شخبطته العوايـر
يكتب عليها : ( عااااشقك للثماله ) .. ويخط توقيعه : ( جريح الضماير )
ياما اشتكاه ابوك في بيـت خالـه .. وياما تحصّل من هـواك العزايـر
مـره حلـف بأنـه يبّطـل هبالـه .. وقبل يكمّل .. فك اخـوه الستايـر
ثم طالـع الشبـاك.. لينـك قبالـه .. وفي اقل من لمح البصر جاك طاير
على صغـر سنـه ممّيـل عقالـه .. كااااشخ وناسي لايصـك الزرايـر
لاشافـك يتمتـم لحالـه بحالـه : .. لعيون هالشوفـه تهـون الخسايـر
ولاشاف زول ابوك حـذّف نعالـه .. الحب جاير .. لكن العـود جايـر
طفلٍ يتيم ورغـم الاحـزان دالـه .. مايدري ان حظه مع الوقت بايـر
كنتي طموحه كنت اغلـى حلالـه .. كنتي وصرتي بس يـاام الظفايـر
طفلٍ زرع من ضحكتك في خيالـه .. لين اثمرت شعرٍ هزالـه حرايـر
لاتتركينـه فـي غيابـك لحـالـه .. بالله شوفي كيف هالطفـل صايـر
ووحده بوحده كان عنـدك عدالـه .. اتبّطلـي غيبـه و ابطّـل زقايـر
|
العرض العادي
