متكحله بدم خاين

:
:


السلام عليكم ورحمة الله وبركاته ..!

شلونكم قميعا ..عساكم بخير..والله انا شاكه بحالي وخصوصن بعد عرس البارح وما ادراكم وش عرس البارح

هذا انا وميمتي وخواتي وجارتنا وبنيتها حضرنا عرس ودخلنا القاعه من الباب مثلكم ولا انتم من وين تدخلونه

وجلسنا ننتظر الطقاقه تجي ..تعرفون عاد حنا الحريم اهم شي يهمنا بالعرس: الطقاقه وزفة العروس

وجت الساعه 11 وذي ماشرفت..طقاقات ذي اليومين صايرات زوميات..قبل كانوا اول من يدخل القاعه

والحين كنهم من اهل العروس مايجون الا 12 ولا تقلك ما ادق الا للساعه الفلانيه

ومن كثر ماحنا جالسين ننتظر قمت انا وخويتي (ام جراح ) للمرايه نتطمن ان الروج بمكانه ماطلع من كثر

مازطينا بذي العصيرات وشعورنا مثل ماهي مانكشت ..واول ماوصلنا للمكان ..لمحنا رجال لابسن ثوب

ويكلم جواله وهو فحاله عصبيه ويقول للي يهرجه(انت مافراسك طرب..)..بغيت اكسر الرخام واتغطى به ع بالي رجال ..بس يوم دققت وشفت

المايك بيده.. ويتكلم عن الطرب وانه واقف بين مجموعة حريم ولا احد صرّخ او كان مستغرب ...عرفت انها الطقاقه . .

- الطقاقه..بطلة موضوعي ::



^
(الله يرحم زمان اول يوم الطقاقه مانشوف الايدها..كافيه الناس شر الخرعات ومامعهن الا ذا الطار والحين

انواع الموسيقى والدي جي )


كلنا عارف من هي الطقاقه وتعودنا ع انها تكون من النوع الاسمر باستثناء بعض منهم امثال موضي وسلمى فرحان

حريم..اصواتهم تغلب عليها الضخامه...يغنون وهن لابسات نفانيف ..ومسوين تساريح ..


لكن طقاقاتنا بذا العرس كانت من نوع اخر..ودي اقول طقاق لكن مابي اظلمها وخصوصن انها وقت الزفه لبست العباه

كانت لابستن الثوب الرجالي الابيض ومزركش بالاسود..والقلم الجاف بالجيب اللي فوق ..والاصبع

لابستن به الخاتم الفضي ابو فص اسود ..


حتى انها لابسه فانيل الرجال اللي تحت الثياب اللهم لاتسخطنا بس..وماانسى الجزمه السوداء حقت رجال البزنسس الاوربين(لحد يلومني يوم قلت اورنبين..ماشوفها الابالافلام..وبشوارعنا ما اشوف الا شرقي )

ودخلت القاعه بطريقة زفه لها وللفرقه..ما اخفي عليكم الحريم تغطوا بمفارش الطاولات يحسبونه رجال داخلن عليهم

وليته جت ع الهدوم اللي منحرفه فيها ..حتى حركاتها تقال رجال عربجي قدامنا..تناظر الحريم بنظرات غريبه

وتلوي براطمها ..واذا دخلت جو مع الاغنيه اللي تغنيها ..نلاقيها زارت وجلست بالارض تهز براسها وجسمها

يمين وشمال .. ..انا اخبر الطقاقات لابغوا يحمسون الحريم يقولون سرى ولا عاشوا وموضي جابت كلمه جديده
ع قلبي ...اما ذي ماسكتن بكلمة (وي وي وي وي وي تكررها خمس مرات بنغمة تصاعديه)تخلي الواحد غصب يجيه الزار

قسمن بالله كان العرس ذاك رعب..بالنسبه لنا ..مدري وش كانت انطباعات الناس..!

والادهى من كذا..اختي قابلت وحده من اهل العرس ..قالت لها بطريقة دعابه(اي بطريقة سخريه مغطاه بالحب)وشذي الطاقه
العجيبه ..رمقت خيتي بنظرة سخريه ردا ع دعابتها وقالت: عادي حنا بعصر المساواه بين الرجل والمراه..

ابعرف انا وشدخل المساواه فيذي..الحين وحده متشبهه بالرجال ..نقول مساواه..لادخلتوا علينا رجال قولي ذي الجمله

يا ثور الله ببرسيمه..!


اختصارا للموضوع ..

ابي اسالكم عدة اساله ..تتعلق بالاعراس..:

-هل الطقاقه كائن بشري تملك خمس اصابع مثلنا .؟(ياليل الملاغه )

-لوصدف ورحتي عرس وكانت الطقاقه منذا النوع..هل تجلسن وتكملين ..ولاه تقولين اخاف سخط الله ينزل علينا

بسبة المتشبه بالرجال وتطلعين ..؟

-هل انتي من محبين الرقص..طيب اذا ايه ..يوم ترقصين هل هو مجرد طرب ..ولاه تنفيس عن كبت بداخلك

لاني الاحظ اكثر اللي يرقصون ينفعلون بالرقص شوي وبتطيح من فوق الكوشه وخصوصن لا رقصت خبيتي

-اللي يرقصون عند طاولتهم..هل هو سودنه مفيها حيل تروح للكوشه..ولا كنها تقول لاهل العرس تراي ما ارقص لكم

بس وشسوي الاغنيه رقصتن

-هل ترقصين على اي اغنيه..ولا على الاغنيه اللي تحبينها ..يعنيه الحريم العجايز ما يرقصون الا ع اغنية

سليم سليم شسوي بمحبوبي..ولا انتي تقومين ترقصين عشان الناس تشوف فصطانك(امي معقدتن كل مارحنا عرس قالت قومي ارقصي يالبربوكه خلي الناس تشوف فصطانك )..؟؟


*فرغي شحنة الكره على الطقاقات هنا..طقاقه صوتها مزعجك..طقاقه تخرع.....صارلك مثل طقاقتنا..!

هاتي ماعندك عن هذا الكائن الغريب ..

:
:

** مــــــيلاد **

** مــــــيلاد **

[color="rgb(244, 164, 96)"]جيــــــــــــــــت [/color]

-هل الطقاقه كائن بشري تملك خمس اصابع مثلنا .؟(ياليل الملاغه )

[color="rgb(244, 164, 96)"]انا اشوف انها كائن بشري نفس التركيب بالضبط بس التوجه مختلف تماما [/color]

-لوصدف ورحتي عرس وكانت الطقاقه منذا النوع..هل تجلسن وتكملين ..ولاه تقولين اخاف سخط الله ينزل علينا

بسبة المتشبه بالرجال وتطلعين ..؟

[color="rgb(244, 164, 96)"]اصلا هذا الشكل المذكور صار شي أساسي مع الفرقه لزوم الاستعراض طال عمرتس ..[/color]

-هل انتي من محبين الرقص..طيب اذا ايه ..يوم ترقصين هل هو مجرد طرب ..ولاه تنفيس عن كبت بداخلك

لاني الاحظ اكثر اللي يرقصون ينفعلون بالرقص شوي وبتطيح من فوق الكوشه وخصوصن لا رقصت خبيتي

[color="rgb(244, 164, 96)"]هههههههههههههههه بعض الانفعالات تجيب الضحك .. والله انا احب ارقص على الهاادي اكثر شي وارقص لاني احب الرقص لاني ماعندي كبت << برى ـآآ [/color]

-اللي يرقصون عند طاولتهم..هل هو سودنه مفيها حيل تروح للكوشه..ولا كنها تقول لاهل العرس تراي ما ارقص لكم

بس وشسوي الاغنيه رقصتن

ياأنا ماأطيق ذا الحركه بس اغلبهم يسوون كذا لان المنصه تكون فل ..

-هل ترقصين على اي اغنيه..ولا على الاغنيه اللي تحبينها ..يعنيه الحريم العجايز ما يرقصون الا ع اغنية

سليم سليم شسوي بمحبوبي..ولا انتي تقومين ترقصين عشان الناس تشوف فصطانك(امي معقدتن كل مارحنا عرس قالت قومي ارقصي يالبربوكه خلي الناس تشوف فصطانك )..؟؟

[color="rgb(244, 164, 96)"]هههههههههه عساك رقصتي وشافوا الفصطان .. ؟؟
انا مزاجيه وماكل شين يجوز لي .. يعني احيانا اروح واجي مارقصت ولامره ..[/color]



وبــــس ..



الرد طلع ابو الحوسه .. السموحه ..

فريده

ههههههههههههههههههههههههههههههههههههههه
خطير الموضوع
انا بتكلم حسب ذاكرتي الجميله للاسئله
انا ماارقص صراحه احب اطالع اللي يرقصون لاني اشوف غرائب وعجائب (( ودها تنزل موضوع بهالاسم ))
اما اذا الطاقاقه مسترجله ادقها تريقه انا واللي معاي وبعد كل جمله نقول (( استغفر الله وبس ))
وكله كووووم واللي يرقصون جنب طاولاتهم كوووووووم (( عصبت خلاص مقدر اكتب )) هاذولي من جد حالتهم صعبه يعني ليش ياختي مستحيه تطلعين عالكوشه اذا مستحيه اقعدي وريحي دماغنا عشان نشوف عدل واللي يجيب الهم زياده اذا قاموا اللي حواليها يصفقون ويعززون لها كانهم ماكانوا جنب بعض طول العرس (( استغفر الله وبس ))